Baagh-e-Bahisht Se Mahroomiat: Urdu Nazm

Baagh-e-Bahisht Se Mahroomiat: Urdu Nazm by Laraib Bibi

باغِ بہشت سے محرومیت

داستاں۔جسے سُنا نہ سکوں
دیا جسےجلا نہ سکوں

جو سنگ تھے اپنے ماں باپ کے سائے
بچھڑے تو رُت ہی بدل گئی

mothers day

 

لو اب یہاں سے سفر شروع ہوا
مُجھ سے ملنے کو وحشتیں آ گئیں
ہائے او رباّ
دِل شکستہ ہوا۔۔۔ زخم گہرا ہوا
نبض رُکنے لگی
چلتے چلتے پاؤں لڑکھڑانے لگے
آنکھیں پتھرا گئیں۔۔۔ سانسیں تھم گئیں۔۔۔
خاک اُڑھنے لگی ۔۔۔۔۔ آندھیاں چل گئیں۔۔۔
جلتے ہوئے دیپ ۔۔۔۔ خود بجھنے لگے۔۔۔
آگ و پانی خفاخفا ہیں۔۔۔۔
صحرا سے بارش جُدا جُدا ہے۔۔۔۔
چراغ سے دُھواں اُٹھتا نہیں۔۔۔۔
پھولوں کو شبنم بھاتی نہیں۔۔۔۔

ناجانے کیوں زندگی اجنبی سی ہوئی ہے ۔۔۔۔
ادھوری ہر منزِل، ہر رستہ ہوا ہے۔۔
اُف یہ تنہائیاں۔۔۔
اُف یہ ویرانیاں۔۔۔

سچ کہوں تو ماں باپ خدا کی رحمت ہیں۔۔۔۔
جب بھی گھر سے نکلتا ہوں۔۔۔۔
دعائیں اُنکی ساتھ چلتی ہیں۔۔۔۔

ہوں تو آج بھی بلندیوں میں اُنکی دعاؤں کی بدولت مگر۔۔۔۔
یاد آتا ہے مجھ کو۔۔۔۔
مسکرانا اُنکا۔۔۔۔خوشی اُنکی۔۔۔۔کِھلکِھلانا اُنکا۔۔۔۔

کُچھ لکھتا ہوں عدم موجودگی میں اُنکی تو
تحریر میں آجاتا ہے جب لفظِ جدائی
یُوں محسوس ہوتا ہے قلم ٹوٹ رہا ہو جیسے۔۔۔
الفاظ سکت ہوں جیسے۔۔۔

مکمل میرا بچپنا ہُوا اَب۔۔۔۔
ختم میرا روٹھنا ہُوا اَب۔۔۔۔

برستی تھی جس گُلشن میں بہار۔۔۔
جانے کیوں آج چشم تر ہوا ہے۔۔۔۔
یُوں تو ہر سحر خواہشات میں گزر جاتی تھی
آج کُچھ بات ہے جو سحر میں آنکھیں پُر نم ہوئیں

عمر کے اس پہر میں پہنچ کر بھی ۔۔۔
ختم نہ ہو سکی۔۔۔
ماں باپ کی کمی۔۔۔

مدت سے کُھل چکی ہوتی آنکھ میری
گر ہوتا خواب۔۔۔
ماں باپ کی کمی۔۔۔

منظر نظر آتے نہیں۔۔۔موسم بهاتے نہیں۔۔۔
تڑپاتی ہے مجھے۔۔۔
ماں باپ کی کمی۔۔۔

لاکھ اپنے گِرد کھینچ کر دیکھ لی حفاظت کی لکیریں مگر
جس سے میں بچ نہ سکی۔۔۔۔
وہ تھی۔۔
ماں باپ کی کمی۔۔۔

بیتے ہوئے زمانوں کی یاد ستاتی ہے یارا
لمحہ لمحہ آزماتی ہے مجھے۔۔۔
ماں باپ کی کمی۔۔۔

دِل کو جو درد کے قابل بنا دیا۔۔۔
يا خدایا۔۔۔تیرےاس فیصلے پہ راضی ہی سہی
مگر ترستا ہوں میں آغوشِ ممتا کو
ستاتی ہے مجھے۔۔۔
ماں باپ کی کمی۔۔۔

چھین سکتا نہیں اب مجھ سے کوئی
لبِ بہار سے نکلی ہوئی دُعا
خوش رہنا میرے بیٹے خدا سے یہی ہے التجا۔۔۔

اے میرے رب! ان دونوں پر رحم فرما جیسا کہ انہوں نے بچپن میں مجھے (رحمت و شفقت سے) پالا تھا۔

لاریب بی بی۔

You may also like...