Ravi Magazine

Mujhe Bhi Shauq Na Thaa Dastaan Sunanay Ka: Ghazal by Ahmad Faraz

by ·

Mujhe Bhi Shauq Na Thaa Dastaan Sunanay Ka: Ghazal by Ahmad Faraz

 

تجھے ہے مشق ستم کا ملال ویسے ہی 

ہماری جان تھی جاں پر وبال ویسے ہی 

چلا تھا ذکر زمانے کی بے وفائی کا 

سو آ گیا ہے تمہارا خیال ویسے ہی 

ہم آ گئے ہیں تہ دام تو نصیب اپنا 

وگرنہ اس نے تو پھینکا تھا جال ویسے ہی 

میں روکنا ہی نہیں چاہتا تھا وار اس کا 

گری نہیں مرے ہاتھوں سے ڈھال ویسے ہی 

زمانہ ہم سے بھلا دشمنی تو کیا رکھتا 

سو کر گیا ہے ہمیں پائمال ویسے ہی 

مجھے بھی شوق نہ تھا داستاں سنانے کا 

فرازؔ اس نے بھی پوچھا تھا حال ویسے ہی 

 

احمد فراز

 

ahmad-faraz

Ahmad Faraz

 

 

Tags:

You may also like...