Daryay-e-Hasti: Urdu Nazm by Saleem Jamal
Daryay-e-Hasti: Urdu Nazm by Saleem Jamal
دریائے غمِ ہستی میں بے سمت ہی بہنا
کُوچہ بہ کُوچہ بھٹکنا کھویا کھویا سا رہنا
لذتِ دردِ محبت کے بنا اِس دنیا میں
کیا کھونا کیا پانا کیا جینا کیا مرنا
اِک یہ بھی دردِ مسلسل رہتا ہے اب تو ہر دم
بچھڑے پیاروں کا خوابوں میں آ کے بچھڑنا
جہدِ بے سود میں گزری ہے یہ زندگی ساری
خوابوں میں بسا چھوٹا سا اِک کاشانہ بنانا
میرا حوصلہ ہی میری میراث ہے جمالؔ
مجھ کو آتا نہیں حالات کے قدموں میں گرنا
