Woh Meri Nihah Ka Noor: Urdu Ghazal by Mujeeb Ur Rehman

‎وہ میری نگاہ کا نور تھا جو کسی کے دل میں اتر گیا
‎کوئی تھا جو راہ کو پا گیا کوئی تند ہواؤں سے ڈر گیا
‎وہ میرے لہو کی تھی روشنی، کہ جو اس کے قلب کا نور تھی
‎جو نبھا گیا بنا ہمنوا، کوئی ورق ورق بکھر گیا
‎کوئی عہد ایسا کرو کبھی، کوئی قصد ترک وفا نہ ہو
‎کوئی چل کے راہ سے پار تھا، کوئی عہد توڑ کے پھر گیا
‎شب ہجر کی رہیں کلفتیں،نہ عنایتیں، نہ رفاقتیں
‎یہی فرقتیں کہ نصیب تھیں،سر وصل دار پہ چڑھ گیا
‎مجھے جس پہ اتنا یقین تھا،وہی سایہ مجھ سے خفا ہوا
‎وہ خفا ہوا تھی یہی رضا، بخدا وفا سے بگڑ گیا
‎مجھے وہ خوشی یہ عطا کرے،جو عزیز ہو یہ دعا کرے
‎نہ مجیب! کوئی جدا کرے،یہی حرف دل پہ ٹھہر گیا

‎***********