Saaqi: Urdu Poem by Tariq Iqbal Haavi

Saaqi: Urdu Poem by Tariq Iqbal Haavi

 

لگی ڈھلنے ہے پھر سے شام ساقی

بنا کر دے ذرا اِک جام ساقی

پِلا وہ جام جو مدہوش کر دے

مِلے دل کو بھی کچھ آرام ساقی

چلا آیا ہوں تیرے پاس جو میں

نہیں مرنے سوا کچھ کام ساقی

نہ اُس کا اور نہ اپنا بنا میں

نہیں مجھ سا کوئی ناکام ساقی

یونہی گِر کے سنبھلنا سیکھنا ہے

سہارا دے مجھے نہ تھام ساقی

دَورِ عُسرت میں مجھ سے ہے گریزاں

اچھے وقتوں کا اِک ہم جام ساقی

ہے قاصر آج جو پہچاننے سے

ترکِ تعلق کے ہیں اقدام ساقی

بنا وہ مے جو ماضی کو بھُلا دے

میں دونگا جو بھی ہونگے دام ساقی

 

(طارق اقبال حاوی)

 

sunset ghazal

Facebook Comments

You may also like...