Iss Zamanay Ka Rawaaj Nahin Jeenay: Urdu Nazm by Simon Akhtar
Iss Zamanay Ka Rawaaj Nahin Jeenay: Urdu Nazm by Simon Akhtar
اس زمانے کا رواج نہیں جینے دے گا
اس زمانے کا رواج نہیں جینے دے گا
مجھے میرا سماج نہیں جینے دے گا
درد کے ساتھ میں جی لوں یہ تو ممکن ہے
میرے چارہ گر کا علاج نہیں جینے دے گا
میرے الفاظ میری موت کا سبب ہوں گے
میرا بغاوت کا مزاج نہیں جینے دے گا
غریبِ شہر تو مر جائے گا اپنی غربت میں
نئے حاکم کا خراج نہیں جینے دے گا
میں تو مر جاؤں گا اعلانِ بغاوت کر کے
امیرِ شہر کو تخت و تاج نہیں جینے دے گا
میری وفات پہ تختۂ دار خود بھی روئے گا
حاکمِ وقت کو احتجاج نہیں جینے دے گا
سائمن اختر
