Ravi Magazine

Garm Koi Shaal: Urdu Nazm by Tariq Iqbal Haavi

by · Published · Updated

گرم کوٸی شال اوڑھو تم، بہت ہی سرد ہے موسم

کھلے نہ بال چھوڑو تم، بہت ہی سرد ہے موسم
گرم کوٸی شال اوڑھو تم، بہت ہی سرد ہے موسم

برسی ہے باغیچے میں، پوری رات ہی شبنم
نہ ننگے پاٶں دوڑو تم، بہت ہی سرد ہے موسم

winter snow cold
بہت نازک طبیعت ہو، میری مانو یہ مت کرنا
نہ گیلے پھول توڑو تم، بہت ہی سرد ہے موسم

برف پہ دل بنانا یوں، تمھیں بیمار کردے گا
میری جاں ضد یہ چھوڑو تم، بہت ہی سرد ہے موسم

ٹھٹھرنے سے تو بہتر ہے، پاس چمنی کے سنگ بیٹھیں
گاڑی گھر کو موڑو تم، بہت ہی سرد ہے موسم

(شاعر: طارق اقبال حاوی)

 

 

 

Tags:

You may also like...