Aaj Phir Andar Bohat Sakoon Hai: Nazm by Asma Tariq
Aaj Phir Andar Bohat Sakoon Hai: Nazm by Asma Tariq
آج پھر اندر بہت سکون ہے
ایک طویل گہری خاموشی ہے
ہر طرف سکوت طاری ہو جیسے
جس کے سائے میں مگر
خاموش شور اٹھ رہا ہے
دھڑکنیں بے ترتیب ہوئے جا رہی ہیں
کسی بہت بڑے طوفان کا
پیش خیمہ ہو جیسے
جسے روکا نہ جا سکتا ہو
جسے ٹالا نہ جا سکتا ہو
کاش یہ طوفان آئے اور
سب کچھ بہا لے جائے
ماضی کی کوئی یاد،
کوئی رنجش،
کوئی گلہ، کوئی شکوہ
کچھ نہ بچے
سب کچھ بہا لیا جائے
اور پھر نئے سرے سے
زندگی کا آغاز ہونا چاہیے
ایک جیون سے بھرپور زندگی
ان بے ترتیب سوچوں کے حصار میں
میرے جسم کی ساری ہڈیاں
صبر کی ٹھنڈی آگ میں
پھر سے جلنے ہیں
اور میں آنکھیں موندے
وہیں ڈھیر ہو گئی.
اسماء طارق گجرات
