Iss Ehsas-e-Ulfat Main: Urdu Ghazal by Mujeeb Ur Rehman Anjum
Iss Ehsas-e-Ulfat Main: Urdu Ghazal by Mujeeb Ur Rehman Anjum
اس احساس الفت میں کمی آئی نہ آئے گی
اس درجہ محبت میں کمی آئی نہ آئے گی
وفا سے جو بھٹک جائے،وہ منزل پا نہیں سکتا
اس عہد محبت میں،کمی آئی نہ آئے گی
شب ہجراں کی تابش نے منور کر دیا دل کو
پھر اس نور فرقت میں کمی آئی نہ آئے گی
خیال یار جب دل پر مکمل نقش ہو جائے
اب تو دل کے اشکوں میں،کمی آئی نہ آئے گی
بہار گلستاں سے اے مجیب!ہو غرض کیا مجھ کو
دیار دل کی وسعت میں، کمی آئی نہ آئے گی
