Dil Ki Yeh Halat: Urdu Ghazal by Mujeeb Ur Rehman Anjum

دل کی یہ حالت نہیں دیکھی جاتی

اس درجہ فرقت نہیں دیکھی جاتی

بیاں کیا ہو ہمدم یہاں حال دل اب

غموں کی یہ ہجرت نہیں دیکھی جاتی

سہا نہ گیا اب تو دل کا مچلنا

یہ یکطرفہ حسرت نہیں دیکھی جاتی

محبت کا ہم سے جو تم پوچھتے ہو

تمہاری یہ حیرت نہیں دیکھی جاتی

ہنر آزماؤ نہ تیر نظر کا

جگر کی ہزیمت نہیں دیکھی جاتی

نہ تم باز آؤ نہ ہم باز آئیں

اب اس درجہ عجلت نہیں دیکھی جاتی

ہمیں بے وفائی کا طعنہ نہ دینا

تمہاری یہ نفرت نہیں دیکھی جاتی

مجیب! حال دل از قلم کب ہے ممکن

یہی دل کی حالت نہیں دیکھی جاتی

#gulshaneshairi
#myurdupoetry